Europa ishte të enjten vetëm një hap larg katastrofës bërthamore..

Shqetësimet për shkak të luftimeve në afërsi të Centralit më të madh Bërthamor në Evropë në Zaporozhia të Ukrainës janë gjithnjë e në rritje.

Presidenti ukrainas Volodimir Zelenski tha se Evropa ishte në prag të katastrofës së rrezatimit, pasi centrali bërthamor në Zaporozhia, e okupuar nga Rusia u shkyç nga rrjeti elektrik i Ukrainës.

Linja e fundit e rregullt që furnizonte me energji elektrike Centralin bërthamor është rikthyer disa orë pasi u ndërpre nga sulmet e vazhdueshme. Sipas Zelenskit gjeneratorët rezervë me naftë siguruan furnizimin me energji dhe e mbajtën centralin të sigurt.

“Për herë të parë në histori Centrali Bërthamor Zaporozhia u ndal. Bota duhet të kuptojë se çfarë kërcënimi është ky. Nëse gjeneratori me naftë nuk do të ishte ndezur, nëse stafi ynë i stacionit nuk do të kishin punuar pas ndërprerjes, tani do të detyroheshim të përballemi me pasojat e një katastrofe”, deklaroi Volodimir Zelenski, president i Ukrainës.
Zelenski tha se zyrtarëve nga Agjencia Ndërkombëtare e Energjisë Bërthamore, duhet t’u jepet akses urgjent në vend.

“Nevojitet një presion ndërkombëtar, duke i detyruar pushtuesit të tërhiqen menjëherë nga territori i Zaporozhias. Agjencia Ndërkombëtare e Energjisë Bërthamore dhe organizatat e tjera ndërkombëtare duhet të veprojnë shumë më shpejt se tani, sepse çdo minutë qëndrimi i ushtrisë ruse në centralin bërthamor rrezikon një fatkeqësi globale të rrezatimit”, tha Volodimir Zelenski, president i Ukrainës.

Nga kompania shtetërore bërthamore “Eneroatam” njoftua se për shkak të rrezikut nga zjarret dhe largpërçuesit e dëmtuar, të gjithë 6 reaktorët e elekteranës në Zaporozhje edhe më tej mbeten të shkyçura.

Ukraina me javë të tëra pohon se Rusia dëshiron që energjinë elektrike nga Zaporozhia ta bart drejt largpërçuesve të vet. Centrali bërthamor në Zaporozhje është nën kontrollin rus që nga marsi, ndërsa në këtë rajon me javë të tëra ka luftime të ashpra.

/Alsat.mk