Defekti i merimangës le kërçovarin në rrugë.. (VIDEO)

Shërbimi i merimangave duket se janë gjithnjë “gatitu” kur duhet të tërheqin një veturë kur është e parkuar në vend jo të duhur nga shoferi.

Një rast që ndodhi sonte në Tetovë, tregon se ky shërbim nuk është aq i shpejtë kur edhe duhet të lëshohen veturat e tërhequra, transmeton TV21.

Vesel Jonuzi është dashur të presë më shumë se një orë, me bijën dhe bashkëshorten e birit shtatzënë në të ftohtë, pasi nuk ka arritur ta kthejë veturën.
Kjo për shkak se shërbimi i merimangës ka pësuar defekt.

Për TV21 thotë se ky shërbim siç është i zoti të tërheqë veturat me shpejtësi, po aq shpejtë duhet edhe t’i lëshojë, pasi kjo që përjetoi sonte, ishte maltretim fizik dhe psiqik dhe do të duhej t’i paguhej dëmshpërblim.
Ndërkohë, ai nuk e di se si, por pas pritjes së gjatë, vetura tashmë është në duart e tija.

VIDEO:

/TV21