Qytetarët të dëshpëruar nga rritja e çmimeve..Kjo nuk është normale.. (VIDEO)

Rritja e çmimeve të derivateve të naftës dhe produkteve të tjera ka revoltuar qytetarët, të cilët deklarojnë se kjo nuk është normale duke pasur parasysh standardin e ulët të jetesës.

Ata më tej theksojnë se mbesin në mëshirën e Zotit, pasi e kanë vështirë t’i mbulojnë harxhimet me një pagë mesatare ose ndihmë sociale.

QYTETAR
“Po si krejt qytetarët edhe une, boll keq u ba. Standardi shumë i ulët edhe kjo na u deshtë, por s’kemi çka të bëjmë kjo është punë e tjetërkujt. Populli nuk ka arritë përpara me i përmbush nevojat e le tash. Edhe para rritjes së çmimeve ka qenë standardi i ulët, kjo është katastrofë”

QYTETAR
“Nuk e kemi pritë kaq shumë rritje të çmimeve të cilët kanë shku shumë lartë. Nuk e dimë se çka do bëjmë. Nuk arrijmë t’i mbulojmë harxhimet po s’kemi çfarë të bëjmë. Shteti duhet me marrë masa me i ulë çmimet se shumë janë, a rrogat janë katastrofë shumë të ulta”.

Qytetarët e intervistuar thonë se nëse vazhdon trendi i rritjes duhet të organizohen dhe të dalin në rrugë për të protestuar.

QYTETAR
“Apel? Jemi pa punë pa asgjë jemi me ndihmë sociale po mundohemi ngapak qashtu. Nuk ka shansë me ndihmë sociale as rrymën nuk mujm me pagu, ujin ato senet tjera, të cilat shumë janë rritur. Jetë e zorshme”.

QYTETAR
“Kjo është katastrofale, si e kemi ne standardin çmimet janë shumë lartë, të cilët kanë ndiku shumë që edhe klientë nuk po ka edhe pse shumë lartë çmimet katastrofale janë”.

QYTETAR
“Ma keq nuk ka çka të bëhet, por do të pritmi ende më keq, se me këtë çka do mbesë do ishte më lehtë. Kam një apel që të përkujdesën pak edhe për popullin jo vetëm për veti”.

Përndryshe, nga dje janë rritur shumë çmimet e derivateve të naftës. Dizelli është rritur për 10 denarë në litër, ndërsa benzina për 5 denarë. Parashikohet që në ditët në vazhdim të ketë edhe rritje të çmimeve të produkteve tjera.

VIDEO:

/tv21