Maqedonia “shpërblen” shtetasit serb..(VIDEO)
Njëri nga ana e Serbisë dhe tjetri nga Maqedonia e Veriut, të dy ministra të Lidhjeve dhe Transportit, Bllagoja Boçvarski dhe Tomisllav Momiroviq dolën në pikën kufitare Tabanoc, për të shpërndarë M-kartela falas për qytetarët e Serbisë për taksën rrugore.
Boçvarksi falënderoi Serbinë për vaksinat e dhuruara, ndërsa shtoi se Maqedonia me Serbinë ka raporte të mira bilaterale, e kjo do të ngritët në nivel edhe më të lartë me projekte rajonale.
“Ne jemi dy vende mike dhe këtë e ka treguar edhe historia dhe po e tregojmë edhe tani. Ky gjest falënderimi drejt qytetarëve të Serbisë në emër të miqësisë tonë, fqinjësisë së mirë dhe raportit humanitar të Serbisë dhe qytetarëve serb të cilën në kohën e krizës më të madhe shëndetësore pa egoizëm dhuruan vaksina falas për qytetarët tanë”, theksoi Bllagoj Boçvarski – ministër i Transportit dhe Lidhjeve.
Bocvarski tha se deri tani MPB ka shpërndarë më shumë se 41.000 kartela, ndërsa masa po zbatohet nga 15 qershori deri më 15 gusht.
Edhe ministri serb Momiroviq tha se masat dhe vendimet e përbashkëta konfirmojnë vetëm marrëdhëniet miqësore midis dy vendeve.
“Republika e Serbisë u jep rëndësi të madhe raporteve me Maqedoninë e Veriut. Më vjen mirë që jemi dëshmitar të një rilindje të raporteve mes shteteve në rajon si mes popujve ashtu edhe mes nesh politikanëve. Na lidh historia e njëjtë dhe rrënjët e thella e midis qytetarëve tanë”, potencoi Tomisllav Momiroviq – ministër i Infrastrukturës, Ndërtimit dhe Transportit në Serbi.
Lirimi i shtetasve serb nga pagesa e pikëve pagesore vjen si shenjë falënderimi për mbi 8 mijë vaksinat që dhuroi Serbia për vendin tonë dhe për mbi 15 mijë qytetarë tanë që u vaksinuan në Serbi.
VIDEO:
/ms
