Muftinisë së Kërçovës i këthehet njëra nga 6 pronat e nacionalizuara gjatë viteve 1947/48..

Pas një periudhe të gjatë kohore, Muftinisë së Kërçovës, i është këthyer prona e saj tek tregu i gjelbër ku ka qenë objekti i medresesë.
Është kjo njëra nga 6 pronat e nacionalizuara nga pushteti komunist gjatë viteve 1947/48, që tani edhe zyrtarisht i këthehet në shfrytëzim BFI.

Sipas vendimit të komisioni për denacionalizimin e pronave, rreth 2 mijë metër katrorë sipërfaqe të tregut të gjelbër në Kërçovë, të uzurpuara pas luftës së dytë botërore, i këthehen në pronësi Bashkësisë Fetare Islame. Kryetari i Kërçovës Fatmir Dehari, ai i BFI-së Shaqir Fetahu dhe kryetari i Muftinisë së Kërçovës Qamil Rushiti, vendimin për rikëthimin e kësaj prone dhe aktin e dorëzim pranimit të hapësirave të tregut të gjelbërt, e vlersuan si një akt të drejtë dhe një moment reflektimi ndaj padrejtësive të pushtetit monist për dekada me radhë.

Duke falenderuar kryetarin Dehari për kontributin e dhënë për këthimin e kësaj prone, kreu i BFI-së Shaqir Fetahu, potencoi se gjatë periudhës që vjen angazhimi do të fokusohet në këthimin edhe të pesë pronave tjera, të nacionalizuara nga pushteti komunist gjatë viteve 1947/48.

/ts