Kërçova, strehë e lypsarëve gjatë verës..! (VIDEO)

Gjatë sezonit verorë Kërcova gjallërohet sepse në vendlindje vijnë mërgimtarët për të kaluar pushimet verore.
Në këtë qytet tashmë është bërë traditë që në këtë periudhë të shohim një numër më të madh të lypsarëve.

Shumica prej tyre vijnë nga qytete tjera të vendit që në orët e para të mëngjesit dhe qëndrojnë në diell për të lypur gjatë gjithë ditës.
“Kur vjen sezoni verorë në Kërçovë, kur vijnë edhe mërgimtarët në vendlindje, këtu mblidhen shumë lypsarë nga qytet të ndryshme të cilët vijnë për të kërkuar para. Ka nga ata që janë të vegjël por edhe të mëdhenj. TV21 mëson se ata sillen në mëngjes nga qytete tjera ndërsa në mbrëmje kthehen në shtëpitë e tyre”, Salije Sadiku, gazetare TV21.

Ekipi i TV21 nëpër qytet takoi disa nga ata të cilët nuk ishin nga Kërcova.
Ky vogëlush është nga Velesi, thotë se prindërit i ka në burg, ndërsa vëllezërit dhe motrat janë në Veles.

TV21: Nga jeni?
Fëmija: “Nga Velesi”.
TV21: Me cilin jeton këtu në Kërçovë?
Fëmija: “Vetëm jetoj, në Gostivar”.
TV21: Në Gostivar dhe çdo ditë udhëton për në Kërçovë, me çka?
Fëmija: “Me taksi”.

TV21: Ku i ke prindërit?
Fëmija: “Janë në burg”.
TV21: Në burg! A ke vëllezër dhe motra?
Fëmija: “Kam”.
Ndërsa fëmija tjetër që e takuam ka 10 vjet dhe vjen nga Prilepi, ai thotë se prindërit nuk i ka gjallë dhe udhëton me autobus çdo ditë drejt Kërçovës për të mbledhur para bashkë më vëllain e tij.

TV21: Nga je ti?
Fëmija: “Nga Prilepi, vij me taksi, disa herë me autobus”.
TV21: Vjen vetëm apo ka edhe të tjerë?
Fëmija: “Jo vij vetëm, kam edhe disa vëllezër me mua”.
TV21: Ku i ke prindërit?

Fëmija: “Nuk kam prindër”.
Lypsarët më aktiv janë gjatë natës nëpër qytet ku kërkojnë lëmoshë nga të rinjtë që frekuentojnë lokalet. Ky fenomen me fëmijët lypsarë ndodh gjithandej në Maqedoni, sidomos gjatë sezonit verorë.

VIDEO:

/tv21