Kërçovë:Kush janë kandidatët për zgjedhjet lokale..?

Koalicioni opozitar shqiptar ASH-AAA deri tani nuk ka dhënë hollësi për kandidaturat e mundshme për zgjedhjet lokale në komunën e Kërçovës.
Nga ky koalicion kanë theksuar për INA se po vijojnë konsultat e brendshme partiake dhe analizat se si do të shkohet në këto zgjedhje dhe kush do të jetë kandidati i tyre.

Kandidati i pavanir Fatmir Limani në disa raste ka sinjalizuar nevojën për unifikim duke targetuar mbështetjen e opozitës shqiptare.
Opozita shqiptare po shqyrton emra autoritativ nga kjo komunë, përfshirë edhe emra nga diaspora kërçovare.

Siç mëson INA, një nga kandidatët është edhe veprimtari i njohur kërçovar në SHBA, Ramazan Bekteshi, një aktivist i dalluar që ka qenë i angazhuar në institucione të rëndësishme amerikane në Uashington, por edhe në misione diplomatike dhe ushtarake. Por, në listën e kandidatëve do të jenë edhe emra të tjerë.

Ndërkohë, nga BDI pritet që kandidat potencial të jetë kryetari aktual i komunës, Fatmir Dehari,nga diaspora Xhevdet Spahiu ndërsa përflitet edhe ministri i ekonomisë, Kreshnik Bekteshi, por edhe emra të tjerë..

Në Kërçovë këto zgjedhje do të jenë vendimtare pasi që sërish do të jetë sfidë se a do të udhëhiqet ajo nga shqiptarët, nëse nuk do të vjen diaspora shqiptare, e cila është përcaktuesja vendimtare.

/(INA)