Kërçova dhe zgjedhjet e ardhëshme lokale..(VIDEO)

Zgjedhjet lokale po afrohen ndërsa Kërçova vazhdon të jetë një nga komunat më të përfolura se kush do ta drejtoj në 4 vitet e ardhshme.
Nga Aleanca për Shqiptarët disa herë kanë deklaruara se do të kenë kandidat në të gjitha komunat shqiptare, por ende nuk kanë nxjerrë një emër për Kërçovën.

Lideri i BDI-së Ali Ahmeti në emisionin Click Plus tha se në vitin 2017 kanë bërë marrëveshje me Selën dhe se Kërçovën nuk ja ka borxh.
“Ka qenë një prononcim publik i zotit Sela, që ne nuk do të dalim me kandidatë, nuk do të dal Aleanca me kandidatë në Kërçovë, por do ta bëjmë matjen përmes këshillit në këshill nëse e fitojmë epërsinë në zgjedhjet e ardhshme do të kandidojmë me kandidatë për kryetarë komune dhe ky test është bërë”, u shpreh kryetari i BDI-së, Ali Ahmeti.
E Ziadin Sela në brifing me gazetarët tha se ai i qëndron fjalës, por kujtoi se nëse është ashtu, atëherë Struga dhe Bërvenica, ku kanë fituar mr këshilltarë, duhet tu takojnë ASH-AAA.

“Ata thirren në një deklaratë timen në vitin 2017 kur ne garuam me listë për këshilltarë në Kërçovë. Unë atëherë i bëra një ofertë Ahmetit, në komunat që rrezikohen, kush fiton me listën për këshilltarë atij do t’i takojnë kryetari. Ahmeti siç nuk ka qëndrim për shumë gjëra, nuk ka pasur qëndrim dhe ende s’më ka dhënë përgjigje për këtë ofertë. Unë i qëndroj kësaj, ata fituan në Kërçovë, por kujtoj se ne fituam me listën për këshilltarë në Strugë dhe në Bërvenicë dhe i bie që neve na takon kandidati në këto dy komuna. Por Ahmeti duhet të përgjigjet a e pranon këtë ofertë”, theksoi kryetari i ASH-së, Ziadin Sela.

Por mbrëmë Ahmeti zbuloi se dega e BDI-së në Kërçovë serish do të propozojë Fatmir Deharin për kryetar komune.
“Kandidatë i degës do të jetë Fatmir Dehari dhe përpiqemi të gjejmë mënyrën ma të mirë që të jetë kandidatë i vetëm”, shtoi Ali Ahmeti – Kryetar i BDI-së.
Dehari kur u pyet nga TV21 se a do ta pranonte edhe një mandatë të tretë, ai tha se mbështetjen e gjen tek populli.

“Gjatë gjithë kësaj periudhe kohore bashkë me qytetarët kemi arritur që të ecim të zhvillojmë përpara projektet të rëndësisë së përgjithshme dhe padyshim në çdo proces kur qytetarët janë bartës, unë mendoj se jam pjesë e qytetarëve pjesë e popullit dhe të vazhdoj me qëndrimin që mbështetjen ta gjej tek populli dhe për popullin”, potencoi Fatmir Dehari – Kryetar i Komunës së Kërçovës. Ndryshe kandidaturën për të parin ë Kërçovës e ka shpallur Fatmir Limani si kandidat i pavarur dhe Xhevdet Spahiu si kandidatë nga diaspora.

VIDEO:

/tv21