Punësimi në Zvicër, në rritje..

Numri i vendeve të lira të punës në Zvicër u rrit me 7.9 për qind midis prillit dhe majit 2021 dhe me 178 për qind që nga janari, sipas indeksit zviceran të punës nga agjencia e rekrutimit Michael Page, transmeton albinfo.ch.

Kjo është norma më e fortë mujore e rritjes këtë vit, madje edhe më e lartë se në të njëjtën periudhë para-Covid.
Kërkon punëtor për këta sektorë
Kërkesa më e madhe është për specialistë në logjistikë, IT, inxhinieri, menaxhim infrastrukture, si dhe sektorë farmaceutikë.

Të gjitha rajonet regjistruan rritje pozitive, duke filluar me Zvicrën qendrore (+ 12,7 për qind), pasuar nga Berna, Neuchâtel dhe Fribourg (8 për qind) – gati në të njëjtin nivel me Gjenevën, Vaud dhe Valais (7,9), transmeton tutje albinfo.ch.

/albinfo