Kërçovë Iftari te Berza me Halil Kastratin..(FOTO)
Të nderuar miq,
fjalët nuk përshkruajnë dot atë që ndjen shpirti, tani kur ne edhe zyrtarisht kemi mbyllur aktivitetin tonë humanitar në kuadër të këtij muaji të shenjtë të Ramazanit që nesër po e përcjellim.
Muajit të bekuar po i themi lamtumirë, por kësaj rradhe me një lumturi e kënaqësi të madhe për mënyrën si e shfrytëzuam për çdo ditë nga fillimi e deri në fund.
Duke përgatitur e shpërndarë çdo natë ushqim për familjet në nevojë, tani e ndjej se kemi ushqyer aq shumë shpirtin që nuk gjen mënyrën për të përshkruar se sa shijshëm ka konsumuar!
Të nderuar bashkëpunëtorë dhe gjithë ju donatorë e sponsorë, ju shpreh mirënjohjen time të pafund për mbështetjen dhe shansin e dhënë që ta jetoj e përejtoj këtë mundësi dhe të kënaqemi me veprën humane gjatë këtij aktiviteti.
Mbi 25 000 iftare të përgatitura e shpërndara dhe shtëpia e planifikuar për tu ndërtuar për një familje në nevojë, më bëjnë në këto momente të ndjehem njeriu më i lumtur në botë.
Pa ju nuk ja kisha dalë asesi, prandaj ju falënderoj dhe ju inkurajoj mos ndalemi e mos i marrim vetes kënaqësinë për këtë ndjenjë të mrekullueshme që me pak mund dalim në krah në mënyrë modeste për familjet në nevojë.
Tani kur shikoj imazhet e mbrëmjes finale, zemra më bëhet mal të shoh një pasqyrë të një Kërçove të bashkuar, burra, gra e rini, gjithë si një familje që i kënaqet solidarizimit dhe afrimit pa dallime mes veti.
Kjo rini dha një provim të madh, por edhe paralajmëroi se është forcë shtytëse e të ardhmes së Kërçovës për iniciativa e aktivitete qëllim mira.
Allahu ju shpërbleftë të gjithëve, agjërim të pranuar, bashkë me lutjet e ibadetet e këtij muaji.
Qofshi të bekuar.
Me respekt, Shkodran Alili.
FOTO:
