Mërgimtari humb kuletën në aeroport plot me para por..

Një rast qytetarie është shënuar ditën e djeshme në Aeroportin Ndërkombëtarë të Shkupit. Dy punonjësit, Sejar Amati dhe Sefer Asani kanë gjetur portofolin e një mërgimtari që kishte aderuar në Shkup.

Në portofolin në fjalë i njëjti ka pasur dokumente personale, kartela bankare dhe shumë të konsiderueshme të hollash, por punonjësit me të ditur se kush është pronari i tyre, ata i’a kanë dorëzuar portofolin në shtëpi. Mërgimtari i cili është i njohur për gazetën KOHA, shpreh falenderime për punonjësit për këtë gjest të treguar qytetarie.

“Sejar Amati dhe Sefer Asani punëtorë të aeroportit të Shkupit, ma kanë gjetë çantën e dorës me gjithë protofol edhe me dokumenta, karta banke dhe ma kanë dorëzu pa munguar asgjë. Dua ti falenderojë pa masë për gjestin e tyre”, thekson mërgimtari.

Ai ka vlerësuar shumë një veprim të tillë të këtyre të punësuarve të aeroportit, derisa porositë se ky duhet të jetë shembull për të gjithë se si duhet vepruar në situata të tilla.

/ts