Fatime Fetai sërish e veshur në të zeza, ngjyrë që simbolizon të keqen..

Avokati mbrojtës Naser Raufi fjalët përfundimtare te rasti “Monstra” i nisi me atë që shumë prova të tyre nuk janë pranuar, ndërkohë qe siç tha asnjë provë e palës tjetër nuk është refuzuar. Më tej u shpreh se ata si mbrojtje thellësisht janë të bindur se ky rast është instrumentalizuar. Ndërkaq e shprehi zhgënjimin e tyre edhe nga prokurorja Fatime Fetai gjatë procesit gjyqësor.

“Jemi thellësisht të zhgënjyer nga prokurorja e lëndës për raportin ndaj neve avokatëve si dhe ndaj vetë të akuzuarve. Prokurorja Fatime Fetai edhe pse shumë mirë e din se nuk guxon të tregoj për lartësinë e dënimeve ndaj të akuzuarve, ajo e bëri këtë”, tha Raufi, përcjell SHENJA.

Pala mbrojtëse e viktimave për rastin “Monstra”, në seancën që po mbahet në këto momente në Gjykatën Penale të Shkupit ka thënë fjalët përfundimtare. Avokatja e viktimave është shprehur se pajtohet me fjalët përfundimtare që u shprehën paraprakisht nga prokurorja Fatime Fetai, në seancën e kaluar.

Kjo nënkupton, se avokatët e viktimave kanë kërkuar që të akuzuarit të dënohen, ashtu siç ka kërkuar prokurorja Fetait, me burgim të përjetshëm dhe kanë kërkuar dëmshpërblim.

Monitoruesve ndërkombëtar të këtij procesi gjyqësor u ka rënë në sy se prokurorja e rastit, Fatime Fetai, edhe në këtë seancë, si në seancën e kaluar, është paraqitur e veshur me rrobe “korb” të zeza, ngjyrë që mes tjerash simbolizon të keqen, djallin dhe frikën. Ata mendojnë se ngjyra e rrobeve ndonjëherë simbolizon edhe qëllimin e zyrtarit në eventin ku merr pjesë.

/lajmpress