Nesër të gjitha rrugët çojnë në Kërçova Fest ora:18:00 hyrja GRATIS

Gjithçka është gati për edicionin e parë të Kërçova Fest, i cili do të mbahet nesër në Kalanë e Skënderbeut në Kërçovë. Organizatorët kanë përfunduar të gjitha përgatitjet për të mirëpritur qytetarët dhe mërgimtarët në një mbrëmje të veçantë kushtuar kulturës, muzikës dhe traditës shqiptare.

Drejtori i festivalit, Argjent Lika, bëri të ditur se të gjitha përgatitjet kanë përfunduar me sukses dhe ftoi të gjithë kërçovarët që të jenë pjesë e këtij organizimi në Kalanë heroike të Kërçovës.

“Përveç këngës dhe valleve tradicionale, publiku do të ketë mundësinë të shijojë edhe surpriza të ndryshme që janë përgatitur enkas për këtë mbrëmje festive”, u shpreh ai.

Organizatorët u bëjnë thirrje të gjithë qytetarëve dhe bashkatdhetarëve që të marrin pjesë në këtë ngjarje, e cila synon të promovojë trashëgiminë kulturore dhe vlerat artistike të Kërçovës.

/tvgurra