Në Kërçovë u zëvendësua mbishkrimi në shqip “Mirë se vini mërgimtarë” me mbishkrim në tre gjuhë

Në Kërçovë u zëvendësua mbishkrimi “Mirë se vini mërgimtarë”, i cili më parë ishte vendosur vetëm në gjuhën shqipe. Me urdhër të Komunës, mbishkrimi u hoq, duke shkaktuar reagime dhe tensione te një pjesë e banorëve.

Disa qytetarë dolën në vendin e ngjarjes dhe u përpoqën të pengonin heqjen e tij, duke shprehur pakënaqësi ndaj këtij vendimi. Më pas, ishte Shkodran Alili ai që tha se “u arrit marrëveshje me Komunën për të heq të gjitha mbishkrimet dhe për t’i zëvendësuar sërish”.

Por, pas largimit të mbishkrimit, në të njëjtin vend u vendos një mbishkrim i ri me të njëjtin mesazh, por i shkruar në tri gjuhë: maqedonisht, shqip dhe turqisht 🇲🇰🇦🇱🇹🇷

/koha.mk