Shpenzimet për ushqim janë rritur 7,5%!

Inflacioni në mars arriti 4,9% në krahasim me një vit më parë, ndërsa çmimet me pakicë u rritën për 3,4%. Ushqimet dhe pijet joalkoolike u shtrenjtuan për 7,5%, dhe rritje pati edhe në veshmbathje, shëndetësi, rekreacion, restorante, akomodim dhe arsim. Krahasuar me shkurtin, kostot e jetesës u rritën për 0,7%.

Qeveria kishte parashikuar këtë rritje dhe paralajmëron masa të reja pas Pashkëve, përfshirë ulje të TVSH-së dhe kufizim të marzhave për produktet bazë.

Ekspertët paralajmërojnë ndikim të madh nga kriza në Lindjen e Mesme dhe kërkojnë masa urgjente. Sindikatat theksojnë se inflacioni real për shtresat me të ardhura të ulëta është shumë më i lartë (deri në 15%), për shkak të rritjes së madhe të çmimeve të produkteve bazë.

Sipas statistikave, më së shumti janë rritur çmimet e frutave (12,7%), produkteve të qumështit (8%), vajrave (7%) dhe kafesë (25%), ndërsa perimet kanë shënuar ulje.

/ms