Qytetarët e “varfër” të Maqedonisë kanë lënë 2.8 miliardë euro në kazino

Sipas analizës së emisionit “Biznes Objekti”, qytetarët vitin e kaluar kanë shpenzuar rreth 2,8 miliardë euro në kazina, bastore dhe klube automatësh. Shifër marramendëse duke marrë për bazë statusin ekonomik të shoqërisë tonë. Dhe, kjo ngrit dilema të mëdha nga vijnë këto shuma? Gjithashtu kemi të bëjmë edhe një rrjedhje të madhe financiare drejt industrisë së lojërave të fatit dhe ngre pyetje serioze për pasojat ekonomike dhe sociale, shkruan Zhurnal.

Qytetarët harxhuan rreth 2,8 miliardë euro në kazino dhe baste vitin e kaluar –
Analiza tregon se kjo shumë është krahasueshme me një pjesë të konsiderueshme të buxhetit shtetëror, duke treguar sa i madh është ndikimi i industrisë së basteve në rrjedhat financiare të vendit. Disa ekspertë paralajmërojnë se ky lloj shpenzimi ndikon drejtpërdrejt në buxhetet personale të qytetarëve, borxhet dhe varfërinë.

Kazinot dhe bastoret kanë shënuar rritje të vazhdueshme vitet e fundit, e nxitur dhe mundësuar nga lehtësia e qasjes, platformat online dhe marketingu agresiv. Por, paralelisht me rritjen e të ardhurave, po rriten edhe problemet e lidhura me varësinë nga bixhozi, borxhet familjare dhe pasojat sociale.

Edhe pse industria gjeneron të ardhura nga taksat dhe licencat, ekonomistët paralajmërojnë se një pjesë e madhe e parave të shpenzuara kalon nga konsumi produktiv drejt një sektori që nuk krijon vlerë të re në ekonominë reale.
Analiza nxjerr në pah nevojën për rregulla më të rrepta, kufizim të numrit të objekteve, kontroll të basteve online dhe forcim të programeve për parandalimin e varësisë.

Shuma prej 2,8 miliardë eurosh tregon qartë se industria e lojërave të fatit po bëhet një nga sektorët financiarisht më të fuqishëm në vend, dhe ky tregues flet mjaftueshëm sa i përket shpresës për zhvillim të qëndrueshëm financiar. Derisa sektorët tjerë ngecin në vend e kanë probleme për mbulimin e pagave si element bazik për funksionim, bixhozi gjeneron të ardhura miliardëshe.

Nga ana tjetër, në labirnthet e Kuvendit ka ngec ligji për lojërat e fatit i cili kurrsesi ta sheh dritën e sallës së Kuvend e të miratohet. Në këtë Ligj është propozuar largimi i lojërave të fatit në distancë prej 500 metrave nga objektet shkollore. Por, një gjë e tillë nuk po ndodhë, dhe nuk dihet se kur do të ndodhë.

Gjithashtu, aktive dhe e zëshme kundër bixhozit ka qenë edhe një Lëvizje e cila me gjasë nga mungesa e përkrahjes së duhur institucionale është penalizuar dhe është lënë në harresë. Një gjë është e qartë, ndihmon ose dëmton qytetarët, derisa ka mosveprim kundër kazinove je me të dytën, pra lejon hapësira dhe vende që dëmtojnë e shkatërrojnë familje të shumta.

/Zhurnal.mk