Maqedonia thirrje qytetarëve që janë ose që planifikojnë të shkojnë në Meksikë ?

Për shkak të përkeqësimit të sigurisë në Meksikë, Ministria e Punëve të Jashtme këshillon shtetasit e Maqedonisë që ndodhen aty të largohen sa më shpejt dhe të shtyjnë udhëtimet jo urgjente, përcjell TV21. Apelojnë që të kontaktojnë autoritet për asistencë eventuale. E gjithë kjo vjen pasi dje udhëheqësi i fuqishëm i kartelit të drogës, Nemesio Oseguera Cervantes, i njohur si “El Mencho”, është vrarë në një operacion ushtarak të ushtrisë meksikane, gjë që shkaktoi trazira.

Njoftimi i MPJ-së:
Për shkak të përkeqësimit të sigurisë në Meksikë, Ministria e Punëve të Jashtme dhe Tregtisë së Jashtme apelon tek shtetasit maqedonas që ndodhen në territorin e këtij vendi që ta lënë atë sa më shpejt dhe në mënyrë të sigurt.

Njëkohësisht, rekomandohet shtyrja e të gjitha udhëtimeve drejt Meksikës që nuk janë të domosdoshme ose urgjente.
Ministria vë në dispozicion të gjitha kapacitetet e saj për asistencë ndaj shtetasve të Republikës së Maqedonisë së Veriut, përmes numrit 24-orësh të emergjencës: +389 75 268 736, email: globalsos@mfa.gov.mk, si dhe përmes numrit të telefonit të shërbimit të përhershëm të Përfaqësisë Diplomatike-Konzullore të Republikës së Maqedonisë së Veriut në Uashington: +1 (202) 758-7798, ose email: washington@mfa.gov.mk. Ministria e ndjek vazhdimisht situatën dhe do ta informojë publikun në kohë.

/tv21