Ministri Fatmir Limani uron Pavarsin e Kosovës

Të nderuar bashkëkombas,
Të nderuar qytetarë të Republikës së Kosovës,
Sot në këtë 17 shkurt, që shënon 18-vjetorin e shpalljes së Pavarësisë së Kosovës, kam nderin dhe privilegjin e veçantë që, në cilësinë e Ministrit të Politikës Sociale, Demografisë dhe Rinisë të Republikës së Maqedonisë së Veriut, të përcjell urimet më vëllazërore për këtë jubile të madh të shtetësisë dhe dinjitetit kombëtar.

Tetëmbëdhjetë vite përfaqësojnë pragun e pjekurisë, ku Republika e Kosovës tashmë është konsoliduar si një aktor i rëndësishëm i stabilitetit dhe demokracisë në Ballkanin Perëndimor. Ky përvjetor është reflektim mbi rrugëtimin tonë të përbashkët drejt vlerave euro-atlantike, ku drejtësia sociale dhe mirëqenia e qytetarit përbëjnë fundamentin e çdo politike shtetndërtuese.

Lidhjet tona sociale dhe familjare tejkalojnë kufijtë administrativë, ato janë dëshmi e një vitaliteti demografik që ushqen progresin në të gjithë rajonin. Ky potencial njerëzor është garancia jonë më e madhe për një të ardhme ku dija dhe inovacioni sfidojnë barrierat e të shkuarës.
Nga pozita institucionale, rikonfirmoj përkushtimin e thellimit të bashkëpunimit ndërshtetëror në sferën e politikave sociale dhe mbrojtjes së kapitalit njerëzor.

Stabiliteti dhe suksesi i Kosovës është drejtpërdrejt i ndërlidhur me prosperitetin e shqiptarëve në Maqedoninë e Veriut dhe mbarë rajonin, duke krijuar një energji që synon integrimin e plotë në familjen e madhe evropiane.
Gëzo pavarësisë,
popull i lirë dhe sovran ! Shkruan ministri Fatmir Limani në facebook.

/ms