A paralajmëron Bilall Kasami daljen e Besës nga Qeveria ?

Kryetari i Lëvizjes Besa, Bilall Kasami, në një intervistë për TV21 ka paralajmëruar mbledhje të Kuvendit Qendror të Lëvizjes Besa, ku do të vendoset edhe për pozicionin e Lëvizjes Besa në Qeverinë e Maqedonisë së Veriut, transmeton Portalb.mk.

“Nuk mund të themi se jemi plotësisht të kënaqur, sepse gjithmonë ka nevojë për më shumë angazhim nga të gjitha dikasteret që i udhëheqim ne”, deklaroi kryetari i Lëvizjes Besa, Bilall Kasami, duke shtuar se “kemi bërë disa herë analiza ku janë anët e forta dhe të dobëta të Lëvizjes Besa në VLEN dhe si pjesë e VLEN-it në qeveri”.

Ai ka deklaruar se për nesër do të diskutohet në Kuvendin Qendror të Lëvizjes Besa në lidhje me (mos)qëndrimin në pushtetin qendror.
“Kemi bërë disa herë analiza ku janë anët e forta dhe të dobëta të Lëvizjes Besa në VLEN dhe si pjesë e VLEN-it në qeveri”, deklaroi Kasami.

Ndryshe, kryetari i Komunës së Çairit, Izet Mexhiti më 25 nëntor të vitit 2025 gjatë pjesëmarrjes në emisionin “Drejtpërdrejt” në TV Telma deklaroi se mes tij dhe kryetarit të Komunës së Tetovës, Bilall Kasami do të zgjidhet lideri i ri i VLEN-it.

Ndonëse pjesëmarrës në këtë koalicion janë më shumë subjekte, pas rezultateve të zgjedhjeve lokale, dy emrat që përfliten për liderë të VLEN-it janë Izet Mexhiti i Lëvizjes Demokratike dhe Bilall Kasami i Lëvizjes Besa. Si Kasami, ashtu edhe Mexhiti thonë se nuk e kanë problem se cilido të bëhet lider.

/portalb