BDI Kërçovë nis riorganizimin partiak, Ahmeti konfirmon mbështetjen për Arlind Sejdinin

Në Kërçovë është mbajtur sot mbledhja e parë ndërmjet liderit të Bashkimit Demokratik për Integrim, Ali Ahmeti, dhe kryetarit të ri të Degës së BDI-së në Kërçovë, dr. Arlind Sejdini, në prani të aktivistit partiak.

Gjatë takimit u konfirmua njëzëri përkrahja e plotë për kryetarin e degës, duke u theksuar uniteti, përgjegjësia dhe gatishmëria për angazhim të përbashkët në funksion të riorganizimit dhe avancimit të strukturave partiake.

Në kuadër të këtij procesi, u njoftua edhe për organizimin e ri të nëndegëve në të gjithë territorin e Kërçovës, me qëllim rritjen e efikasitetit dhe përfshirjes në terren. Njëzëri u vlerësua se brenda 30 ditëve të mbahen kuvendet e nëndegëve dhe Kuvendi i Degës, duke shënuar një fazë të re të konsolidimit të BDI-së në Kërçovë.

/votra.info