RETRO: Aty ku krijohet rrëmuja dhe pastaj ndahet “drejtësia” nga Faton Jusufi

Gjykataka është një institucion që padyshim do respekt dhe sigurisht korrektësi, sepse fundja aty ndahi dhe
drejtësia. Mirëpo, a ka drejtësi në gjykatat tona në përgjithësi dhe në të të Kërçovës në veçanti?
Jemi dëshmitarë të shumë proceseve të montuara gjygjësore të cilat gjithsesi për fat të keq shkojnë në dëm të qytetarëveshqiptarë.

Por, kjo tanimë dihet dhe nuk është aspak risi, aq më shumë që deri më tani ne kemi qenë të pafuqishëm që të ndryshojmë diçka në këtë drejtim.
Ajo që së fundi ka filluar të shqetësojë me të drejtë qytetarët e kësaj anë në përgjithësi janë rrëmujat e shumta që po
krijohen nëpër korridoret e gjykatës themelore të Kërçovës.
Njerëz të shumtë, me halle, të ngryshme dhe të shumta po enden korridoreve të kësaj gjykate të cilat ngjallin vetëm
nervozizëm.
Nëse thirrja juaj për në ndonjë proces gjygjësor që ka të bëjë me Gjykatën Themelore të Kërçovës ka të bëjë me një
orar të caktuar, atëherë do të bëjë më mirë që në gjykatë të  paraqitesh disa orë me vonesë, me qëllim që të mos sillesh kot nëpër korridoret dhe të presësh gjatë para zyrave të kësaj gjykate thotë një hallexhi nga Kërçova,  i cili ishte nevrikosur nga pritjet e gjata para zyrave të shumta të kësaj gjykate.

Gjithsesi se ky nuk është rast i cili nuk mund të vërehet
dhe të mos shënohet, mirëpo raste të tilla ka plot.

“E keqja e këtyre pritjeve dhe endjeve të kota nëpër këto korridore është se disa nga gjykatësit e kësaj gjykate lënë
termin me klientët e, tyre dhe nuk takohen po në atë kohë, duke e ditur mirë se në një kohë të caktuar ai nuk mund të
ndajë drejtësinë në dy apo tre vende të ndryshme”, shprehet një tjetër person, i cili deshi të mbetet anonim për arsye objektive.

Pra njerëzit pa ngurrosur shprehin mllefin e tyre ndaj këtyre organeve, të cilat edhe ashtu janë të padëshirueshme
për t’i “vizituar” e aq më shumë kur pritjet e tyre stërzgjaten.

Mirëpo, shpresa e fundit vdes, thotë një fjalë e qëlluar filozofike, kështu ndodh edhe me qytetarët e kësaj ane dhe ata
duke shpresuar se një ditë edhe kjo gjykatë do të fillojë të ecë rrugës së mbarë.

Nga Faton Jusufi