Si janë të fuqishme ushtarakisht Shqipëria, Kosova, Maqedonia, Serbia..!?
Si u renditën Shqipëria, Kosova, Maqedonia, Serbia dhe vendet e rajonit në fuqinë ushtarake sipas GlobalFirepower?
“GlobalFirepower” ka publikuar renditjen e re të fuqisë ushtarake për vitin 2025, ku përfshihen 145 shtete nga e gjithë bota. Shtetet e Bashkuara të Amerikës mbajnë vendin e parë, të ndjekura nga Rusia dhe Kina, ndërsa India dhe Koreja e Jugut plotësojnë pesëshen më të fuqishme ushtarakisht.
Në këtë renditje, Shqipëria është pozicionuar në vendin e 78-të, duke lënë pas disa vende të rajonit. Kosova renditet në pozitën 141, ndërsa Maqedonia e Veriut është në vendin 112. Mali i Zi zë vendin e 127, kurse Bosnje dhe Hercegovina ndodhet në pozitën 132.
Serbia vazhdon të mbajë një pozitë më të lartë në rajon, duke u renditur e 63-ta, ndërsa Kroacia gjendet në vendin e 74-të.
Kjo renditje përpilohet nga “GlobalFirepower” që prej vitit 2006, duke analizuar një sërë faktorësh, si numri i personelit ushtarak, kapacitetet teknologjike, burimet e disponueshme dhe fuqia ekonomike e secilit shtet.
/(INA)
