Kush është Advije Vicky Baftiri gazetarja shqiptare që befasoi Dua Lipën..?
Advije Baftiri e njohur në SHBA me pseudonimin Vicky, është gazetare e suksesëshme shqiptare që ka rrëmbyer shumë çmime për aftësi profesionale.
Advija është me prejardhje nga fshati Zajaz i Kërçovës, e rritur në një familje tradicionale shqiptare nga dy prindër të mrekullueshëm që me fanatizëm i kanë ruajtur dhe bartur vlerat e kulturës sonë edhe në SHBA.
VIcky, duke qenë e edukuar në këtë frymë, ajo martohet me një djal nga Kërçova dhe aktualisht ka dy vajza.
Jeta e vështirë e babait të saj i cili u rrit jetim dhe i detyruar të punonte si çoban prej në moshën dhjetë vjeçare, e detyruan të emigronte në SHBA, në vitin 1968 për një jetë më të mirë, ndërsa në vitin 1972 pranë vetes e mori edhe familjen.
Karrierën e saj e ka filluar në edicionin e lajmeve në vitin 2006 në WGN-TV.
Më pas kaluar në NBC Universal, ku ka punuar në programe mbi stilin e jetesës.
“Më vonë, vijova punën në CBS News në Çikago.” – thotë Advije Baftiri-Vicky dhe shton se: “Disa nga personalitetet e njohura që kam intervistuar dhe për të cilët kam realizuar histori përfshijnë: Barack Obama, Kanye West, Donald Trump, Eric Trump dhe Ivanka Trump, Rita Ora, Jimmy Carter, Senatorin Dick Durbin dhe fituesen e “Top Chef” Stephanie Izard dhe shumë figura tjera ma famë botërore. ”
Vicky është një vizionare e dëshmuar që jep gjithçka për karrierën e saj. Me një pasion të jashtëzakonshëm, ajo është një nga profesionistet më të gjithanshme digjitale në zonën e Çikagos dhe një eksperte e kompletuar në media, me përvojë në TV, radio, botime, marrëdhënie me publikun, marketing, reklamim dhe rrjete sociale.
Çfarëdo projekti që ajo punon, qëllimi i saj është të krijojë diçka të vlefshme që mbetet në mendje, tërheqëse dhe me ndikim të fortë. Vicky ka luajtur një rol të rëndësishëm në procesin editorial në nivel kombëtar për disa nga kompanitë mediatike më me ndikim në botë: CBS, NBC Universal dhe Tribune Company.
Ajo ka prodhuar dhe shkruar një gamë të gjerë historish, nga argëtimi dhe stili i jetesës deri te investigimet dhe lajmet serioze. Aftësitë e saj të forta editoriale dhe strategjitë kreative ndihmuan në nisjen e dy programeve kombëtare të NBC përmes sindikimit.
Si gazetare, Vicky ka fituar përvojë të shkëlqyer në rrëfimin e historive të drejtpërdrejta dhe të qarta.
Viki thotë se ndjehet shumë krenare që është shqiptare dhe tregon sa ka realizuar shumë projekte televizive për kulturën tonë.
Fakti që ajo është shqiptare, na bën shumë krenarë edhe ne si popull.
U shtofshin vajzat si Advije Baftiri- Vicky!
Shkruar nga Falije Dauti Bakiju
/ms
