Shumica e të moshuarve në Zvicër janë të kënaqur..!?

Në Zvicër, shumica e njerëzve të moshës 65 vjeç e lart e vlerësojnë shëndetin e tyre si të ‘mirë’, ‘shumë të mirë’ ose ‘shkëlqyeshëm’, përcjell albinfo.ch.

Kjo është ajo që del nga një sondazh i realizuar nga Fondi i Commonwealth me qendër në SHBA në 10 vende, përfshirë Zvicrën.

Rezultatet tregojnë se shumica e popullsisë mbi 65 vjeç në këtë vend e vlerësojnë shëndetin e tyre nga ‘i mirë’ në të ‘shkëlqyeshëm’.
Prandaj, Zvicra ruan pozicionin e saj në kategorinë e mesme të sipërme të vendeve të studiuara.

Në të njëjtën kohë, megjithatë, më shumë se tre të katërtat e të anketuarve thanë se ata jetojnë me të paktën një gjendje kronike – më së shpeshti është presioni i lartë i gjakut, i ndjekur nga dhimbje kyçesh dhe sëmundje të zemrës.

/albinfo