Shkodran Alili falenderon artistat Kërçovar

Të dashur qytetarë të Kërçovës,
Akoma nuk më besohet!
Pjesëmarrje masive… Sheshi ynë u shndërrua në një det kuq e zi, i mbushur me energji, emocion dhe krenari kombëtare.

Faleminderimi më i madh shkon për artistët tanë të shquar, të cilët iu përgjigjën ftesës sonë pa asnjë hezitim dhe, mbi të gjitha, pa kërkuar asgjë në këmbim. Ata i dhanë shpirt dhe madhështi këtij manifestimi, duke treguar që arti dhe tradita shqiptare mbeten të gjalla falë përkushtimit të tyre.

Si shenjë mirënjohjeje për këtë kontribut të paçmueshëm, jam i lumtur të njoftoj se nga janari i vitit 2025, me miratimin e artistëve tanë, do të krijojmë “Konakun Kërçovar”.

Kërçova dje tregoi se çfarë i paska munguar!
Mirënjohje pafund për të gjithë ju!
Me respekt dhe mirënjohje,
Shkruan Shkodran Alili në facebook.

/ms