Shoqatës Kulturore Kërçova mbajti manifestimin e radhës

Në një ambient të bukur dhe festiv të mbushur me flamuj kombëtarë, përplot me bashkëvendas dhe mysafir, Shoqata Kulturore Kërçova- Zvicër organizoj Manifestimin Tradicional 2024 që organizohet çdo vitë nga shoqata për nderë të Festave të Nëntorit.

Në emër të kryesisë së Shoqatës Kulturore Kërçova, shprehim mirënjohjen më të thellë për të gjithë ata që kontribuan në suksesin e manifestimit tonë të fundit në Zvicër.

Faleminderojmë kryetarin e Komunës së Kërçovës, z. Fatmir Dehari , për praninë dhe mbështetjen e tij të vazhdueshme ndaj diasporës dhe për fjalët frymëzuese që theksuan rëndësinë e ruajtjes së identitetit tonë kombëtar.

Një faleminderim i veçantë shkon për z. Shkodran Alili dhe z. Tahir Asani, si dhe për bashkatdhetarët tanë, të cilët, pavarësisht distancës, treguan përkushtim të jashtëzakonshëm duke marrë pjesë dhe duke e bërë këtë ngjarje të paharrueshme. Prania juaj është motivimi ynë më i madh për të vazhduar përpjekjet në ruajtjen e kulturës dhe traditës sonë.

Gjithashtu, jemi thellësisht mirënjohës ndaj sponsorëve tanë, pa mbështetjen e të cilëve ky manifestim nuk do të ishte i mundur. Kontributi juaj është një shembull frymëzues i solidaritetit dhe përkushtimit ndaj komunitetit tonë.

Me zemër të hapur, ju faleminderojmë të gjithëve për pjesëmarrjen, bashkëpunimin dhe përkrahjen. Së bashku, ne treguam se kur jemi të bashkuar, mund të arrijmë suksese të mëdha. Presim me padurim të organizojmë ngjarje të tjera që do të vazhdojnë të forcojnë lidhjet tona dhe të promovojnë vlerat tona kombëtare.
Me respekt dhe mirënjohje,
Shoqata Kulturore Kërçova
Urime Festat e Nëntorit!

/ms