Biznismeni Kastriot Iseini sponzori Platinum i Shoqatës Kulturore Kërçova në Zvicër

Kryesia e Shoqatës Kulturore Kërçova shprehim mirënjohjen tonë të thellë dhe falënderimet më të sinqerta ndaj z. Kastriot Iseini për mbështetjen e vazhdueshme dhe sponsorizimin e vitit 2024. Z. Iseini, me katër bizneset e tij të suksesshme në Kërçovë, ka dëshmuar jo vetëm suksesin e tij profesional, por edhe përkushtimin e pashoq ndaj komunitetit tonë.

I njohur për veprimtarinë e tij të vazhdueshme në fushën e arsimit, z. Iseini ka kontribuar dukshëm në mbështetjen e studentëve dhe nxënësve nëpërmjet bursave, duke siguruar që një përqindje e të përfitimeve të tij të dedikohet gjithmonë për përmirësimin e arsimit në vendlindje.

Në cilësinë e sponzorit tonë të nivelit më të lartë, nivelit Platinum, z. Kastriot Iseini ka treguar gjithmonë gatishmëri dhe mbështetje për çdo aktivitet të Shoqatës Kulturore Kërçova.

Dyert e bizneseve të tij, Restorantit Dardania dhe Swiss Ranch vazhdojnë të jenë gjithnjë të hapura për ne, duke e bërë një sponzor të çmuar dhe shembull frymëzues për të gjithë komunitetin.
Me respekt dhe mirënjohje,
Kryesia e Shoqatës Kulturore Kërçova

/ms