Avioni zviceran i Swiss del nga pista pas manovrave të kthimit..!

Për shkak të një urgjence mjekësore në fluturimin nga Tokio në Cyrih, një avion zviceran u desh të ndalonte në Kazakistan. Pas uljes, avioni përfundoi në një livadh

Një fluturim nga Tokio në Cyrih bëri një ndalesë në Astana, kryeqyteti i Kazakistanit, të shtunën. Për shkak se njëra nga pistat ishte e mbyllur, avioni duhej të kthehej 180 gradë në pistë. Rrota e hundës së Boeing 777 u fut në bar dhe ngeci.

Fluturimi u ngrit si zakonisht nga Aeroporti Narita në orën 10:55 (me orën lokale) dhe ishte planifikuar të ulej në aeroportin Kloten në orën 18:20 (me orën zvicerane). Megjithatë, siç konfirmon “Flightradar24” në faqen e tij të internetit, avioni u ul pa plan në Astana, transmeton portali Shtegu.

Sipas një dwshmitari në vengjarje, në bord kishte një urgjencë mjekësore. Me kërkesë, një zëdhënëse zvicerane konfirmoi incidentin. Portali kazak Liter raporton se një pasagjer 50-vjeçar ka pësuar goditje në tru gjatë fluturimit.

Dëshmitari që ishte në bordin e avionit thotë se informacioni është ende disi i paqartë. “Stjuardesa na informoi se kishte një urgjencë mjekësore. Mes pasagjerëve ishte edhe një mjek që sugjeroi ta çonin të sëmurin në spital”, thotë dëshmitari për „20 Minuten“.

Pasi aterroi, avioni u rrotullua mbi pistë, por më pas i futi rrotat e përparme në një livadh, vazhdon skauti i lajmeve. Shërbimi për shtyp i Aeroportit të Astana thotë për agjencinë kazake të lajmeve Tengrinews: “Pas një ulje të suksesshme në orën 16:00, avioni rrëshqiti në bar gjatë një kthese në rrugë lidhëse për shkak të një gabimi të ekuipazhit. Në këtë kuadër është ngritur alarmi në orën 16:03 për të kryer operacionet e shpëtimit. Aeroporti i Astanës qëndroi i mbyllur për të gjitha fluturimet për dy orë pas incidentit.

Stafi zviceran u soll shumë mirë, thekson dwshmitari. Megjithatë, ai ende nuk e di nëse udhëtarët mund të vazhdojnë me një avion zëvendësues apo nëse do të duhet të kalojnë natën në Astana.

“Siç është e zakonshme në raste të tilla, avioni duhet të tërhiqet përsëri në pistë. Kjo tashmë ka ndodhur”, tha Swiss në një deklaratë për shtyp. Zëdhënësja zvicerane tha se stafi tokësor po sqaronte nëse pasagjerët në fluturimin nga Tokio në Cyrih mund të udhëtonin në fluturime të tjera. 319 personat ndodhen në aeroport dhe presin vendimin.

Megjithatë, avioni Boeing 777 nuk do të jetë në gjendje të ngrihet menjëherë drejt Cyrihut, ai ende duhet të ekzaminohet, vazhdoi zëdhënësja zvicerane. Se kur avioni do të jetë sërish në funksion është ende duke u hetuar.

Autoriteti i Aviacionit të Kazakistanit ka njoftuar tashmë se do të kryejë një inspektim të paplanifikuar të Aeroportit të Astanës. Kjo është për shkak të “rritjes së fundit të dëmtimit të avionëve”, shkruan Tengrinews.

/shtegu