Ma bënte me sy dhe më çonte puthje”, deputetja akuzon zv/kryeministrin..! (VIDEO)
Reagim i ashpër i zëvendëskoordinatores së VMRO-DPMNE-së Dafina Stojanovska në pyetjet e deputetëve. Akuzoi zëvendëskryeministrin për çështje europiane se i ka dërguar puthje dhe ia ka bërë me sy derisa po fliste ajo, edhe pse kamerat e Kuvendit nuk e kanë transmetuar këtë.
“Ju duhet të heshtni euro, zëvendëskryeministër për çështje europiane, se ju jeni më i forti nga selia. Në mikrofon të dalësh dhe të thuash atë që po e flet pas mikrofonit. Si nuk të vjen turp, si nuk të vjen turp, le t’ju kapin kamerat zv/kryeministër për çështje europiane. Tmerr, tmerr je. Andaj…le të të fotografojnë duke dërguar puthje, qurravec…”, tha Dafina Stojanovska, VMRO-DPMNE.
Ky reagim vjen pas pyetjeve të deputetëve të Petar Risteskit, i cili i pari kërkoi përgjigje për skandalin në Klinikën e Onkologjisë.
“Sipas informacioneve publike, pacientët me kancer tashmë të vdekur janë ende në listën për trajtim. Për ata që trajtohen ende nuk ka një pjesë të terapisë së nevojshme.
Kjo sigurisht që lë dyshime se terapia u përshkruhet këtyre personave tashmë të vdekur dhe e njëjta terapi pastaj rishitet në tregun e zi në Maqedoni dhe jashtë saj. Kujt i janë lëshuar citostatikë, nëse shtetasit e huaj janë trajtuar me citostatikë me shpenzimet e Fondit të Shëndetësisë”, deklaroi Petar Risteski, VMRO-DPMNE.
Zëvendësministrja e Shëndetësisë Maja Manoleva tha se hetimet për këtë rast janë duke vazhduar dhe se do të ketë përgjegjësi.
“Procedura për rastin e Onkologjisë nuk ka përfunduar dhe rrjedhimisht nuk mund të japim kualifikime se askush nuk do të mbajë përgjegjësi për këtë. Në komunikimin e përditshëm, Ministria e Shëndetësisë dhe Klinika e Onkologjisë bashkëpunojnë siç duhet dhe i japin të gjitha të dhënat e nevojshme Ministrisë së Punëve të Brendshme dhe Prokurorisë Publike që kërkohen nga ne”, theksoi Maja Manoleva, zëvendësministre e Shëndetësisë.
Risteski i bëri pyetje ministres së Punës dhe Çështjeve Sociale Jovana Trençevska për kërkesat e pensionistëve për rritje lineare të pensioneve për 3.500 denarë, e jo 6 për qind, si dhe pyetje ndaj ministres së ekologjisë Kaja Shukova për hulumtimin e fundit Të The Guardian se Maqedonia është në krye të vendeve më të ndotura në Evropë.
VIDEO:
/ tv21
